ശ്രീവിഷ്ണുമായയുടെ സർവ്വസൈന്യാധിപനായ കരിങ്കുട്ടിയോട് എതിർത്തു നിൽക്കാൻ ആർക്കും സാധ്യമല്ല. ഉഗ്ര രാക്ഷസരിൽനിന്നും മരണത്തെ അതിജീവിക്കുവാനാണ് ശത്രുനാശത്തിനും കാര്യസാധ്യത്തിനും വേണ്ടി ചാത്തൻ, കാളി, കരിങ്കുട്ടി, കാപ്പിരി, മുത്തപ്പന് ജന്മം നൽകിയത്. അത്ഭുത മഹാശക്തിവിശേഷത്തോടെ ശ്രീവിഷ്ണുമായ നിലകൊള്ളുന്നു. നിർഗുണ നിരാകാരബ്രഹ്മത്തിന്റെ ആവിഷ്കാരമായ പ്രപഞ്ചത്തെ സഗുണ സകാര ബ്രഹ്മഃ എന്നുപറയുന്നു. നാമരൂപാദികളോടുകൂടിയ സഗുണ ബ്രഹ്മത്തിൽ നിന്ന് വ്യത്യസ്തവും വിശേഷപ്പെട്ടതുമായ അവസ്ഥയോടു കൂടിയവനാണ് ശ്രീവിഷ്ണുമായ, അതുകൊണ്ട് ഭഗവാനെ കുട്ടിച്ചാത്തൻ എന്നു പറയുന്നു. വിശ്രുതം എന്നാൽ കേൾവിപ്പെട്ടത് എന്നാണർത്ഥം. പ്രശംസനീയ മാ ആത്മാവോടുകൂടിയവനാണ് മായാചാത്തൻ.[...]
