വിഷ്ണുമായ ചാത്തൻസ്വാമിക്ക് നിഗ്രഹാനുഗ്രഹശക്തിയുണ്ട്. ശരികളെ നിയന്ത്രിക്കാനും ചിലപ്പോൾ അവരെ ദുഷ്കർമ്മത്തിന്റെ കാഠിന്യത  നോക്കി നിഗ്രഹിക്കുവാനും മായക്ക് ശത്രുനാശത്തിനും കാര്യ സാദ്ധ്യത്തിനും  സാധിക്കുന്നു. ആത്മസാക്ഷാത്കാരത്തിന് പരിശ്രമിക്കുന്ന സാധകന്മാർ ഉപവാസവും – ബ്രഹ്മചര്യവും സ്വീകരിക്കണമെന്ന് മായക്ക് നിർബന്ധമുണ്ട്. വ്രതമനുഷ്ഠി ച്ചാൽ മാത്രമേ മനസ്സ് സ്വസ്ഥമാവുകയുള്ളൂ. സ്വസ്ഥമായ മനസ്സുകൊണ്ടേ ധ്യാനിക്കുവാൻ  സാധിക്കുകയുള്ളൂ. ജ്ഞാനം കൊണ്ടുമാത്രം ആത്മസാക്ഷാത്കാരം സാധ്യമല്ലെന്ന് യമൻ നചികേതസിനോട് പറഞ്ഞു. ദുഷ്കർമ്മങ്ങളിൽനിന്നും വിരമിക്കാത്തവനും ബ്രഹ്മചര്യം വ്രതം സ്വീകരിക്കാത്തവനും ഏകാഗ്രമായ മനസ്സില്ലാത്തവനും മനസ്സിൽ ശാന്തിയില്ലാത്തവനും പ്രാകൃതമായ ജ്ഞാനംകൊണ്ട് ആത്മാവിനെ പ്രാപിക്കുവാൻ സാധിക്കുകയില്ല.[...]