ഈരേഴ് പതിനാല് ലോകങ്ങളിൽ ഭൂമിയൊഴിച്ച് മറ്റ് ലോകങ്ങളെ തന്റെ മായകൊണ്ട് മൂടിയിരിക്കുന്നതുകൊണ്ട് ശ്രീവിഷ്ണുമായ ഭഗവാനെ മായാചാത്തൻ എന്നു പറയുന്നു. ദൈവികവും ഗുണമയിയുമായ എന്റെ ശ്രീവിഷ്ണുമായയെ അതിജീവി ക്കുവാൻ പ്രയാസം തന്നെയാണ്. എന്നാൽ ആരാണോ മായയെ ശരണം ജപിക്കുന്നത് അവർ മായയെ തരണം ചെയ്യുന്നു. മനുഷ്യൻ മോഹവലയത്തിൽപ്പെടുന്നത് മായാചാത്തന്റെ സാന്നിദ്ധ്യം കൊണ്ടാണ്. ദിവ്യയും ഗുണമയിയുമായ മായാചാത്തനെ അതിജീവിക്കുവാൻ വളരെ പ്രയാസമാണ്. എല്ലാം ഭഗവാനിൽ സമർപ്പിക്കുന്നവർക്ക് മായ ഒരിക്കലും പ്രതിബന്ധമാവുകയില്ല. അതേസമയം മായ അവർക്കൊരു വഴികാട്ടിയായിരിക്കും. മായയെ രണ്ടു പ്രധാനശക്തികൾ[...]